Cuenca del Mediterraneu

Cuenca del Mediterraneu
Situación
Tipu	bioregion (es)
Asitiáu en	mar Mediterraneu
Coordenaes	0°N 0°E / 0°N 0°E / 0; 0
Cuenca del Mediterraneu Cuenca del Mediterraneu (Tierra)
Datos
Superficie	4 000 000 km²
Noamáu por	mar Mediterraneu

La conca del Mediterraneu ye un conceutu xeográficu con connotaciones históriques y culturales.

Nella desendolcáronse les denominaes civilizaciones mediterránees, la so continuidá nel tiempu hasta l'actualidá manifestase nuna cultura mediterránea en gran parte común percima de les fondes diferencies polítiques y relixoses. Tal unidá de cultura o civilización viose afeutada na dómina contemporánea por dellos factores: per un sitiu apaez homogeneizada coles del restu del mundu por efeutu de la globalización; y per otru llau presenta una contradictoria rellación col fenómenu del turismu, que per un llau magnífícala y per otru desvirtúala. Suelen definise como traces comunes d'esa cultura mediterránea, amás del heriedu cultural de l'Antigüedá clásica y del enfrentamientu secular de civilizaciones (grecorromana, xudeocristiana, islámica), muncho de la vida cotidiana, como la dieta mediterránea (llegumes, frutes y verdures, pexe; y los trés alimentos básicos ellaboraos dende la más remota antigüedá a partir de productos agrícoles y cultivos específicamente afechos a la rexón: pan del trigu, aceite d'oliva y vinu de la vide -dacuando denominaos triloxía mediterránea-); l'animada vida caleyera y espíritu de fiesta aguiyaes pola benignidad del clima mediterraneu; ensame de tópicos y estereotipos, como una cierta forma, al empar vitalista y fatalista, d'entender la vida,^[1] etc.

La unidá del Mediterraneu pretende activase dacuando por ciertes iniciatives polítiques (Procesu de Barcelona: Unión pal Mediterraneu) ya inclusive deportives (Xuegos del Mediterraneu).

1. ↑ El Mediterraneu y los bárbaros del norte (ensayu), de Luis Racionero.